Ji ser Qetlîama Gelîyê Zîlan 90 sal derbas bûn

Dema ku dîrok 13ê Tîrmeha sala 1930î nîşan dida li Gelîyê Zîlan bi deh hezarana Kurdên Misliman bi şikleke hovane hatin qetilkirin.

Ji ser Qetlîama Gelîyê Zîlan 90 sal derbas bûn

Di 13ê Tîrmeha sala 1930î de li Erdîşa Wanê li Gelîyê Zîlan zêc û zarok, biçûk û mezin, xort û îxtîyar bi deh hezaran Kurdên Misliman  bi şikleke hovane û wehşîyane hatin qetilkirin.

Rejîma ku berê xwe dabû Xerbê bi zîhnîyeta neteweyî hereket kir û li hember Kurdên Misliman harekata komkujîyê da destpêkirin.  Piştî qiyama Şêx Seîd Efendî him kesên ku beşdarî qiyamê bûbûn û him jî ew kesên ku beşdarî qiyamê nebûbûn, haya wan ji qiyamê tunebû hat xwestin bên surgunkirin. Ji ber vê qerara surgunê ya ku ji teref rejîmê ve hat dayîn li Agirîyê beşek Kurdên Misliman biryar dan ku teslîm nebin û li ber xwe bidin. Hinek kesên ku hatin girtin û hatin sûrgunkirin jî bi şiklekî derbasî Sûrîyê bûn.