HAMASê biryara serbestberdana girtiyê du welatiyên Emrîkayî û îsraîlî girt
HAMASê ragihand ku di encama hevdîtinên xwe yên bi rêveberiya Emrîkayê re, ji bona ku 'agirbest bêîlankirin, deriyên Xezzeyê werin vekirin û gihandina alîkariyên mirovî were temînkirin, leşkerê êsîr Idan Alexander ê bi hemwelatiya dualî ya Emrîkayî-îsraîlî dê were berdan.
Di daxuyana ku li ser hesabê medyaya civakî yê HAMASê hatiye dayîn de, hatiye diyarkirin ku HAMAS di rojên dawî de bi destpêşxeriya welatên navbeynkar bi rêveberiya Emrîkayê re civiyaye.
Di daxuyaniyê de hat destnîşankirin ku serbestberdana Idan Alexander, ku hemwelatiyê Emrîkayî û îsraîlî ye û leşkerekî ku li Xezzeyê êsîr e, ew ê "yek ji gavên ku ji bo pêkanîna agirbestekê, vekirina deriyên sînor ên ber bi Xezzeyê û gihandina alîkariyên mirovî werin avêtin" be.
Di daxuyaniyê de hat gotin ku ew amade ne ku "dest bi danûstandinên dijwar bikin û hewlên cîddî bidin da ku bigihîjin rêkeftinekê ku dê şer bi dawî bike û girtiyan bi razîbûna hevbeş biguherînin".
Tevgera HAMASê ji bo hewildanên wan di tevahiya pêvajoyê de spasiya welatên navbeynkar Qeter û Misrê û her wiha Tirkiyeyê kir.
Serokwezîrê qaşo sîyonîst ê îşxalker Benjamin Netanyahu di civînekê de bi Komîteya Karûbarên Derve û Parastinê re got ku HAMAS dikare wekî nîşanek niyeta baş di serdana Donald Trump a herêmê de, êsîr Alexander, ku hemwelatiyê Emrîkayî ye, berde.
Kanala televîzyonê KAN, ku dezgeheke medyayî ya Îbranî ye, ragihand ku Îskenderê êsîrgirtî dê li hember ji nû ve destpêkirina gihandina alîkariyên mirovî bo Xezzeyê were berdan.
